صورتي
الاسكندرية, Egypt
اصعب المعارك................................. تلك التى تهزمك دون ان تدخلها................ محظوظ من استطاع ان يخوض كل معاركه الحتمية........ ...............................................وعموما ..............................................الضربات التى لاتقتلك.................. اشد قسوة .................... سمير مصباح

الخميس، ٣٠ أكتوبر ٢٠٠٨

فتفوته


على بـاب حارتكم أنا ، و قعدت على قهوه
-
وساعة بتجر ساعة ، والمعاد عدى
-
قلبى لقيته إتخض .. فط .. نط على سهوه
-
وقعد قصادى على الطقطوقة واتربّـع ..
-
وقال ...... مساء البرد ..! قوم لتستهوى
-
.
سمير مصباح

هناك ٢٦ تعليقًا:

كـــيــــــــارا يقول...

الله ياسمير

تحفه ونغمتها في ودني حلوه اوي

speaking يقول...

هو ده النظام
اللي يتاخر تقلبه علي طول
العمر مش بعزقة


تسلم

غير معرف يقول...

ليه القلب ساخر كده ؟ إذا كان هو أول حاجة تضار !! ولا هو بيدى لا بيد عمرو.

إتضايقت بصراحة برغم إن ده أسلوبى الحقيقة - السخرية الذاتية - بس يمكن تكون المواجع إتقلبت!!

مالحة أوى الفتفوتة دى.

تحياتى :)

الازهرى يقول...

صديقى العزيز

لا تعليق سوى

ابداع
فى الكلمات والمعنى

سمير مصباح يقول...

كـــيــــــــارا العزيزة

انا سعيد انها عجبتك يا كيارا

شكرا لوجودك

سمير مصباح يقول...

speaking

مش كدة برضه ؟


كل التحيةوالشكر لكى

سمير مصباح يقول...

اسكندارانية قديمة

السخرية من النفس برع فيه الشعب المصرى على مدار تاريخه

ما كنتش اتمنى اضايقك ابدا
واسف لو قلبت عليكى المواجع

وجودك احد اسباب سعادتى فشكرا لكى

سمير مصباح يقول...

الازهرى


اشكرك يا صديقى ودمت لى

يسعدنى اها اعجبتك واتمنى ان اكون دائما عند حسن ظنك

دام تواجدك

ســـــــهــــــــــر يقول...

يا ما انا استنيت .. طلة قمر سهران
طال السهر ..غنيت ..النجم قال حيران
طال السهر مليت و انت و لا اتهزيت
يا نجم / من ليلة طل القمر ...ونسان
****************************

كل مره اجى هنا اغرق ف الاستمتاع
و اندم
ازاى بقالى كتير ما جيت
بجد مش مجامله

أميرة جمال مصرية الديانة والجنسية يقول...

استاذي

افتقدت كل كلماتك وأفكارك الحلوه ولكن اعود لأجد هذا المشاكس يقول لي قال ايه
" قومي لتستويي "
انت حضرته يا عم سمير وانا مش عارفه اصرفه!!

تحياتي يا فندم ليك وللطقطوقه

أسما عواد يقول...

سمير
جميلة جدا وعجبتني قوي فكرتني بواحد عزيز عليا
صلاح جاهين
جميلة جدا جدا
تسلم ايديك

سمير مصباح يقول...

ســـــــهــــــــــر

كل مرة تيجى هنا اشم اريج الورود يفوح من مدونتى

انا فى انتظارك دائما

سمير مصباح يقول...

واحده من أصحاب القمر

سلامتك من الافتقاد
وعموما لو افتقدتينى تانى هتلاقينى هناك على نفس القهوة لسه قاعد ومتكتك من البرد

كل التحية لكى

سمير مصباح يقول...

أسما عواد

الساخر العظيم صلاح جاهين لا يضاهيه احد فى هذا المجال

وقد استخرج الشكل الرباعى من التراث الشعبى القديم وابدع فيه لدرجة انه وضع كل من يحاول الكتابة بهذا الشكل فى ورطة كبيرة

وكذلك فعل الشاعر الجميل فؤاد قاعود فكتب على نفس الشكل الرباعى وابدع كذلك

اما انا فلا اكتب الرباعيات وانمااكتب بشكل اخر من اشكال التراث ايضا ومن نفس البئر الذى فتحه العظيم صلاح جاهين فاتنقل بين الاشكال المختلفة ك الخماسية والسداسية والسباعية
واحيانا الرباعية واحيانا لا التزم شكل تراثى فى هذه الفتافيت التى ستجدينها تباعا اذا شرفتينى بالزيارة
وصدقينى احاول السير على الخط الدقيق جدا بين السير على هذه الاشكال التراثية دون الاقتراب والتشابه مع العظيم صلاح جاهين
وذلك لو تعلمين عسير

اسعدنى انها اعجبتك واشكرك على كلماتك الرقيقة

RASHA يقول...

كلمات جميلة

والفكرة رائعة


دمت مبدع

هويدا صالح / عشق البنات يقول...

بص بقى يا عمي
أنا مع شعر العامية وخاصة الجميل زي ده
لا أجد في نفسي سوى طاقة الاستمتاع
وفقط وشكرك طبعا على الاستمتاع

سمير مصباح يقول...

shasha

اسعدنى اعجابك بها وتعليقك الرقيق

دام تواصلك

سمير مصباح يقول...

هويدا صالح / عشق البنات

خلاص
انا كدة اتأكدت لنها حلوة

حسن ارابيسك يقول...

ياااه
واللهي عبقري يا امير المدونات
خلتني اشوف صور واحس بجو خاص جداً
يااه دا نا ياما ساتهوبت ووأخذت برد بس بيدي لا بيد عمر وكان برد الحبيب زي أكل الزبيب
انها عادة استمرأها كثيرون ممن تعلموا عشق برودة الشتاء
والحاجة الشديدة الملحة لبعض من الدفئ العاطفي والانساني
تحياتي
حسن أرابيسك

سمير مصباح يقول...

حسن ارابيسك

سلامتك من البرد يا سلطان

على فكرة الكرسى اللى جنبى فاضى
تعالا اشرب شاى

Incomplete يقول...

جميل ماتبدع
مدونة جميلة

سمير مصباح يقول...

Incomplete



الاجمل هو وجودك هنا

أسماء علي يقول...

لأ نقف هنا بقى ..
الفتفوتة دي من جمالها قريتها و عدتها يجي عشر مرات .. ممكن أستلف منك الفتفوتة دي أروح أحطها على باب ناس استهويت من كتر قعدتي على القهوة استناهم .. مش بتفوت ساعة ورا ساعة
ده بيفوت ميعاد ورا ميعاد ..

..

على الرغم من القلب المشاكس اللي بيتربع و يمسي
السخرية دي تخليك تضحك و بأثر رجعي تكتشف أنك استهويت لما مليت ..

يالهوووي أنا لو أعرف إن بغيابي كان هيفوتني ده كله والله ماكنت غبت

سمير مصباح يقول...

د\أسماء علي

اوعى تغيبى تانى بقى

عموما انا بفكر افتح قهوة للبردانبن اللى زينا يتجمعوا عليها

محمود محمد حسن يقول...

يا لهوي ، ايه ده يا عم انت

انا ازاي ما كنتش اعرفك قبل كده

سمير مصباح يقول...

محمود محمد حسن

يا باشا اهلا بيك
هحجزلك جنبى كرسى