صورتي
الاسكندرية, Egypt
اصعب المعارك................................. تلك التى تهزمك دون ان تدخلها................ محظوظ من استطاع ان يخوض كل معاركه الحتمية........ ...............................................وعموما ..............................................الضربات التى لاتقتلك.................. اشد قسوة .................... سمير مصباح

الخميس، 27 نوفمبر، 2008

فتفوتة




وقف العقرب ف الساعة .. اتمرد ع الدوران

بصيت وسألته .. قاللى دا عصيان

ليه ادور ف مكانى .. كما طير حيران

مربوط من ديله .. ف ايدين صبيان

وافضل طول يومى .. زهقان طهقان

أعرق والخير .. بيروح للغير

لا يا عم انا مالى .. هوا انا انسان ؟!



سمير مصباح

هناك 20 تعليقًا:

اسكندرانية قديمة يقول...

يا بخته - قدر يتمرد !!


حلوة فعلا

speaking يقول...

كله عارف أن الأنسان الكائن الأكثر شقاءا ... ما عدا هو .. بيحاول يقنع نفسه أنه ممكن يكون سعيد
:)

حسن ارابيسك يقول...

أبو سمره
أمير المدونات
ياسلام ياسيدي قول كمان
الله يفتح عليك
ياخبر أبيض حتى عقرب الساعة يرفض أن يرتدي عباءة هذا الجنس الشقي التعس المتغطرس الجاهل
الم يعرض الله من قبل الأمانة على السموات والأرض فأبين أن يحملنها وحملها الإنسان انه كان جهولاً
ياخبر أبيض أي مهانة وأي مذلة بعد هذا العقرب الذي لدغ بني أدم بمقولته
هو أنا إنسان
ماعبيط إلاى بني أدم صحيح
تسلم ياأبو سمره
كعادتك خير الكلام ماقل ودل
تحياتي
حسن أرابيسك

مولان يقول...

اول قبل الرد

انا طبعا عارفه انك زعلان مني بس والله كنت هاجي واقولك اني كيارا بس كنت مستنيه انك تنزل بوست جديد بس للاسف البوست انت نزلته وانا كنت منقطعه عن النت وغايبه عنه

ياريت تعذرني

هقرا بقي واجي

مولان يقول...

أعرق والخير .. بيروح للغير

لا يا عم انا مالى .. هوا انا انسان ؟!


يااااااااااااااااااه بجد كلامك قاسي بس يفوق بجد

ليه هو انا انسان

الله بجد دايما كلماتك قويه وعميقه جدا

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

ســـــــهــــــــــر يقول...

يعنى احنا كمان ماحصلناش الجماد؟؟

بتفكرنى بسخرية عمنا جاهين

أ سمير
عاوزه اقرالك شعر كتير مش بس فتفوته

سمير مصباح يقول...

اسكندرانية قديمة

يا بختى انا بمتابعنك

سمير مصباح يقول...

speaking

هنعمل ايه بقى

سمير مصباح يقول...

حسن ارابيسك


تشكر يا ابو على
اخجلتم تواضعنا

سمير مصباح يقول...

مولان

عمرى ما ازعل منك
انا كنت بانكشك بس

سمير مصباح يقول...

مولان 2


هقوللك ايه غير شكرا

سمير مصباح يقول...

م/ الحسيني لزومي



يعنى هو لزومى تلصق الاعلان ورا كل بوست فى كل مدونة ؟!

سمير مصباح يقول...

ســـــــهــــــــــر


انت تؤمرى

الازهرى يقول...

العزيز سمير مصباح

بداية اعتذر عن الغياب ولكن كان لامر خارج عن الارادة

صدقت الانسان اصبح مربوطا يدور فى الحياة كمل ما يدور غيره فى الساقية مربوط العينين لا يعلم متى ينتهى ولا يتسائل عن مصيره
وتمضى الحياة

تحياتى وكل سنة وانت والاسرة الكريمة بخير وفى سعادة وهناء

حسن ارابيسك يقول...

عزيزي
أبوسمره
كل سنة وانت طيب
ياشاعر المحلة الكبرى
والقاهرة الكبرى
والمدونات الكبرى

سمير مصباح يقول...

الازهرى
ليس بيننا اعتذار واتمنى ان يكون المانع خير


اشكرك وكل عام وانت بالخير والسعادة انت وجميع من تحب

سمير مصباح يقول...

حسن ارابيسك

وانت بالخير والسعادة يا سلطان

لك منى كل الود يا ابو على الجميل

د\أسماء علي يقول...

يا عمنا لو كل الفتافيت كده لكان الواحد مااحتاجش من دنيته غير الفتافيت ..

قال و تقولنا إنك بطلت تكتب

ليييه

لما الفتافيت كده آومال الباقي ايه ..؟

و ياريت ف يوم الإنسان يتمرد .. ده عقرب الساعة اتمرد و احنا و لا هنا ..

سمير مصباح يقول...

د\أسماء علي

بطلت اكتب علشان اتفرغ للدوران حول محور الساعة


دمتى جميلة