صورتي
الاسكندرية, Egypt
اصعب المعارك................................. تلك التى تهزمك دون ان تدخلها................ محظوظ من استطاع ان يخوض كل معاركه الحتمية........ ...............................................وعموما ..............................................الضربات التى لاتقتلك.................. اشد قسوة .................... سمير مصباح

الثلاثاء، ١٨ أغسطس ٢٠٠٩

فتفوتة





صبح الصباح يا دنيا كيف الحال
صابح سعيد منتشى وف قلبى ميت موال
نفسك ف ايه اطلبى وانا انفّزه ف الحال
حكمة ؟ مغامرة ؟ شقاوة ؟ كل شىء موجود
نفسك ف إيه ؟ بس قولى ، قالتلى طالبة الحلال
أنا قلت لأ روّقى ، دا كان مجرد سؤال

سمير مصباح




هناك ٢٢ تعليقًا:

الازهرى يقول...

أول حمد لله على السلامه بعد طول غياب

الازهرى يقول...

وليه بس مجرد سؤال ؟
للدرجه دى بح الحلال محال
طيب ابكى انا على الزمن
والا على خلى الحال بقى دا الحال

Sweet Violet يقول...

صحيح دلوقتى الحلال بقى صعب ؟؟
هو حدد الطلب فى 3 حاجات
ليه بس هى تختار الرابع المحال ؟؟؟

سمير مصباح يقول...

الازهرى
الله يسلمك يا ازهرى يا جميل

سمير مصباح يقول...

الازهرى

الرك ع النية يا صاحبى

سمير مصباح يقول...

Sweet Violet

مرحبا بكى فى عالمى

شكرا لتعليقك
والمستحيل يا عزيزتى موضوع نسبى


فاجأتنى مدونتك وسازورك هناك اذا سمحتى لى

دام تواصلك

اسكندرانية قديمة يقول...

أولا : حمدا لله على السلامة :)

معرفش . بس أنت حطيت بسمة على شفايفى بالكلام ده بصراحة . يمكن اكثر ضحكة خفيفة . أشكرك

وكل سنة و انت طيب

ســـــــهــــــــــر يقول...

ده ما كانش مجرد سؤال و لا دى مجرد اجابه

حمد الله على السلامه

أسماء علي يقول...

استاذنا العزيز \سمير مصباح
أولا حمد الله بسلامتك
الغيبة كانت طولت جداااا

بس الفتفوتة دي خلتنا نسامحك طبعا
:)

بس بجد ضحكت .. يعني كان مجرد سؤال ف الآخر
و هي تطلب ليه اللي يودي الروقان
!!!
:)
كل سنة و حضرتك طيب و بخير و سلامة
و ممنوع الغياب تاني

ســمـــر احمد يقول...

ههههههههههه زمان فى البلد كانوا لما يقولوا على بطوطة او فرخة انها طالبه الحلال يعنى مفروض يدبحوها ... و انا مش عارفه ليه افتكرت الحكاية دى
يمكن لان الدنيا تستاهل... !!

استاذى العزيز .. تحية بحجم الكون

ابو احمد يقول...

حلوه ياسمير
كل سنه وانت طيب

الازهرى يقول...

كل سنة وانت طيب وبالف خير

كل سنة وانت اجمل والى الله اقرب

عيد سعيد على كل المسلمين يارب

حسن ارابيسك يقول...

امير الشعر
وحشني واللهي
وكل عام وانت بخير
وبعدين مش حرام تكسف بنت الحلال
تحياتي

سمير مصباح يقول...

اسكندرانية قديمة

وانا يكفينى انى احط البسمة على شفايفك

دمتى سعيدة

سمير مصباح يقول...

ســـــــهــــــــــر

الله يسلمك يا سهر

سمير مصباح يقول...

أسماء علي

علم يافندم

سمير مصباح يقول...

ســمـــر احمد

هو ده بالضبط الحلال اللى ممكن اديهولها


كل التحية والود

سمير مصباح يقول...

ابو احمد

وانت طيب يا دكتور و حمد الله على السلامة

سمير مصباح يقول...

حسن ارابيسك

مش قد ما وحشتنى يا ابو على

بس كبيرة عليا اوى امير الشعر دى


وبعدين لما اكسفها دلوقتى احسن ما تشردنى هيا بعدين

سمير مصباح يقول...

الازهرى


اسف على اللخبطة فى الترتيب

وكل سنة وانت انبل و واجمل واسعد
ولو انها متأخرة بس معلش

انا عارف انك هاتسامحنى

حواء يقول...

هههههههههههههه ... حلوة دى

سمير مصباح يقول...

حواء


وجودك الاحلى