سؤال

و ربما لأن رمضان هو شهر الحنين والذكريات
تجتاحنى رغبة ان اشرككم فى بداياتى ، عندما بدأ قلمى يتعلم الرقص
وقد كنت محظوظا جدا بأصدقاء سجلوا لى قصائدى حينما لم اكن اسجلها انا .. فحفظوا الكثير منها من الضياع فى بحار النسيان ، واحتفظوا لى بعبق البدايات .. اعود له من حين لآخر ، فاشعر بالامتنان العظيم لهؤلاء الاصدقاء
هى بعض القصائد التى تحمل الكثير من امراض الشعر وسذاجة البدايات ولكنها فى النهاية بعض منى اذ انها بداياتى
اعرضها هنا بلا اى تعديل او تهذيب ، فلا يتجاسر قلمى على فعل ذلك
وسأبدأ هنا بثانى قصيدة كتبتها فى حياتى





سؤال

قلتى سؤالك ،

انهدم

بين الضلوع هيكلى

ليه؟!

وانا كنت صّريت سنين العمر فى المنديل

وسافرت ف عيونك

ليه؟!

وانت اللى كانت عينيكى تدخل لجوايا

تعرينى

وتشد من بين الحشا الكلمة

وتعرف سرها

بعدين .. تغطينى

تدفينى

ترمينى فوق صدرك انام

ليه وانت ده؟

كان السؤال أعمى ؟!

حطيتى ايدك على خطوط رسمى اللى ما جفت

مسحتينى

طوّحتى ايدك ف الهوا خبطت ف تكوينى

لو كان سؤالك مر طعم العلقم

خايف جوابى يكون

بطعم الدم

.

سميرمصباح